كتب للمحيط العربي للشعر والأدب الشاعر ابوايادالياموني قصيدة أناوالحرف
أنا والحرف.........
سألني الحرف مرّة عن خيالي
وقلّي كيف بتطال الأعالي
قلت حالي بخيالي داب كلّو
وخيالي بيعكس الصورة بحالي
أنا للوحي بالإلهام ظلّو
ويراعي بينزف حروف ولألي
بإبداعي بيوت الشعر صلّو
وعليي بيشهدوا طوال الليالي
القوافي كل ما بالبال حلّو
بيصيروا غندرة يمشوا قبالي
وصوّر ألوانها من النور هلّو
فيي بتعزف الحس الجمالي
بوجودي المنبر تبيّض سجلّو
اسألوا الإبداع وسنين الخوالي
عليي أجمل القصدان دلّو
وإسمي صار بين الكل هالي
أنا شعري بقلبي بستهلّو
بزينو بالتفكّر والأصالي
خلقت وبداخلي ثابت محلّو
نزفتو من الجوارح والحنايا
وما بهديه إلّا للغوالي
....................
ابو اياد الياموني
تعليقات
إرسال تعليق