كتب للمحيط العربي للشعر والأدب الشاعر سعيد الشبراوي قصيدة ياقدس
قصيدة (ياقدس )
كُتِبَت من حوالى عامين
أخدوكى منى وخدعونى
وقالوا دى مدينة السلام
لا شوفتك ......يوم حرة
ولاعم فيكى ..... سلام
بذكر نفسى بأيام المجد
بذكر نفسى بيوم حطين
ياقدس وفداكى قلبى
يدارى عليكى م الغاصبين
متشوق لأذانك يا أقصى
نفسى أصلى فيك ركعتين
مهما زيفوا .... الحقايق
مهما قلبو...... الحق باطل
حترجع مدينتنا... أبية
ويعود تانى صلاح الدين
مهما الباطل صوته عِلى
فالحق راجع على رجلين
يا زهرة ومتاخدة غدر
وأنا إلى رويتك بدمى سنين
أنا إلى حاربت على أرضك
وإتكسر لى بدل الضلع إتتبن
شردوا إبنك فى البلا د
هدموا البيت وإغتصبوا الطين
مصيره يرجع أرضه تانى
ويبنى بيته ولو ......م لطين
ما إنتى أرضه وإنت أساسه
ولوعدى عليه عقود. وسنين
راجع ليكى تانى ياغالية
وحزرع بدل الزهرة إتنين
حرفع علمك من تانى
وحرفع بدل العلم...... إتنين
علم رمز ........ عروبتنا
وعلم تانى..... يلم المسلمين
أحرار ولاحد على أرضنا
من المغرب حتى البحرين
تعليقات
إرسال تعليق