منتدى المحيط العربي للشعر والأدب.. ....يارب بدعيلك..... كلمات يحيى العبادي
....يارب بدعيلك.....
كلمات يحيى العبادي
=============
قلبي الوجع صاحبه
فين راح وفات صاحبه
لما كان وياه
اتحابو واتصاحبو
عارف وجع قلبي
حاسس انا وبخبي
مهما الحياه هاتمر
ساكن الالم قلبي
عايش انا بموال
والدنيا كانت عال
كل البشر حواليه
جنبي عم وخال
لما الي مالي راح
كل الي لي ساح
عشت في هم كبير
والجرح زاده جراح
الكل بعدوني
دهسوني فاتوني
من القسوه بقيت ابكي
والدمع .....بعيوني
واسال انا نفسي
مخنوق من وجع قلبي
واقول خلاص انتهي
والذنب كان زنبي
كنت وكان ياما كان
حياتي كانت الوان
ماشفت هم كتير
عايش سعيد في امان
بس الزمن دوار
ايه الي جري محتار
وليه انا الي أتوجع
والجرح لقلبي اختار
يارب رب قلوب
خفف لنا المكتوب
خليني اعيش انسان
حابب للبشر محبوب
يارب بدعيلك
نجيني من همي
من قلبي بحكيلك
شيل وجعي ده مني
رجعني وارحمني
اصل الوجع جبار
ومعاه انا محتار
اكتب عن إلي كان
لسه الالم و النار
انت رب الكون
والكون ملان اسرار
يارب ريح قلوب
من همها بتحتار
طمنها يارب واحميها
خلي الامان ليها دار
تعليقات
إرسال تعليق