كتب لمنتدى المحيط العربي هشام سليم قصيدة خنقتني
خنقتني
حبطلك
جننتني حعطلك
مش حكتبك
حقطعك
ياشعر قولّي مالك ومالي ؟
غيّرت حالي
حرقت قلبي وأعصابي
لجل احبابي
صوّت كتير ياخرابي
عرضت نفسي للأخطار
وكنت حقرب أخش النار
وعومت كتير ضد التيار
والناس اهي ماشية ع العايمة
وساعة الجد تكون نايمة
اكلتوا معاه شربتوا منه
ياباشا الناس كانت صايمة
ومن زمان لسانه طويل
ونصحناه يميل ما يميل
علي العموم بقي يستاهل
علّم عيالنا لكن جاهل
ياشيخ اتهد بلا لعب عيال
اعملك ماتش للاعتزال
بلا حرافيش
بلا دروايش
بلا ألاضيش
بلا عفاريت
كمان ولا للجَان
كل شعرك بالمجان
ودكتورهات فخرية
بيقولولي دي وهمية
وكتير كمان شهادات تقدير
دقت كتير من التكدير
وتعب قلوب وكره نفوس
وكل ده ف وسط الغلا
ف وسط الكوا
من غير فلوس
الشعر ياما عطّلك
اصرخ وقولّه
حبطلك
حبطلك
د .هشام سليم
شاعر الحرافيش
تعليقات
إرسال تعليق