كتب الشاعر محمد رمضان قصيدة شوفنا العجب
👁👁 شوفنا العجب 👁👁
من زمن العجايب
وفي دنيا الغرايب
شوفنـــــــا العجب
من موت للضماير
وضيـــــــاع الأدب
مشهد اول أصبح عادي
أم حزينه واقفه بتبكي
دمع عيونها سيل وبيجري
رافعه ايديها وقاعده بتدعي
قربت منها وقولت اسالها
مالك حزينه ليه ياامي
قالت حكايتي نار بقلبي
كل وجعي سببه ابني
قولتلها طيب يلا احكي
قالت هان عمري وتعبي
مد ايده ابني ضربني
قدام مراته بقسوه هاني
سمعت منها وجعني قلبي
سيبتها ومشيت بدمعي
شوفت مشهد تاني يوجع
اخ بسلاح لاخوه يرفع
قلبه جاحد لدمه مايرحم
لحبل الرحم عايش بيقطع
في نفس المشهد عم يطمع
في حق اليتيم واكل مبرطع
باع بالرخيص لحمه ضايع
ده الحرام عمره ماينفع
قولت امشي انا مش هغير
مشهد تالت اصعب واصعب
خبر غريب بجد يرعب
شوفت صورة طفل وامه
بدأت اقراء واحاول افهم
الطفل قاتيل والقاتل امه
هان عليها لحمه ودمه
مين يصدق اللي شوفته
الضنا هان والرحمه ماتت
بالحزن والالم عيوني باتت
حاجات غريبه علينا بانت
قولت يمكن تعليمنا احسن
مشهد رابع جواه مدارس
شوفت مناظر ولا الكوارس
قولت التحديث الجديد جايز
لبس بارات جوه المدارس
الفاظ غريبه بنسمعها
وطبل ورقص شرح دروس بنوزعها
المدرس همه كله الفلوس
يجري يعلن ع الدروس
والطمع ملا النفوس
الدين ماده من المجموع مالغيه
ضاع خلاص التعليم والتربيه
زاد الحزن وبان عليا
مشهد خامس فيه ضحيه
زوج متغرب من سنين
يشقا ويتعب ويحس به بس مين
عايش في تربه باسم غربه اه ياعين
يبعت مال لام العيال وفيه تبعتر شمال ويمين
ع النت قاعده فاتحه الايميل
اتعرفت علي واحد من الشيطان
دخل حياتها بكلمتين
حكاتله وحيده ناقصني حنين
حام وحوط اسلوب تعابين
في صورها تشير تبعتله
والغلبان مش علي بالها ياعين امه
تصرف تبعزق ماله بتضره
مشهد سادس من جامع
في صلاة الفجر عليه قفله
ولا حد لبا ندي ربه
ضيعنا بإيدينا حياتنا
وايه يبقلنا في الاخره
ده زمن العجايب
في دنيا الغرايب
شوفنـــــــا العجب
من موت للضماير
وضيـــــــاع الأدب
~~~ شوفنـــــــا العجب ~~~ بقلمي محمد رمضان....... 6/4/2023
كامل التحيه والاحترام والتقدير لهذا المنتدي الراقي والمميز
ردحذف