كتب الشاعر راضي السقا للمحيط العربي قصيدة بعنوان ليل البعد
@ ليل البعد @
أه ياليل الغربة مالك طويل كدا ليه يارب سلم
عديني من بحر ليلك أوصل لأحبابي في حضنهم يضموني عليهم أسلم
إمتي ااقابل حبيبتي دنا الصبر علمته مني ما أتعلم
بعدها راح بعيد عني ما أفتكر يوم عليا يعدي ويسلم
ياريت الصبر علمني لكن مني أتعلم توهت من فراق أحبابي بقيت ساكت مبلم
أسي يازماني لو كان يفيد الكلام عمري كله كنت أتكلم
لكن بأيه يفيد الكلام وأنا خلاص لزماني بقيت مسلم
أمشي أروح فين ووجع الفراق معشش في قلبي ما بتكلم
بعيد عن أحبابي عايش لوحدى بتألم
أعدى بخور ألاقي بحور والدمع فوق خدودي معلم
إرحمني يازماني أنا ساكت مش هاتكلم
أداوي جروحي في ليل الغربة بصورة حبيبتي وأنا مربوط متلجم
أمد إيدي بشوق وحنان تقابل إيديها عليها أسلم
راضي السقا
تعليقات
إرسال تعليق