كتب الشاعر بلشقر محمد للمحيط العربي زجلية من ديوانه الشعري سيف الحرف
زجلية من ديواني الشعري* سيف الحرف*
"ازطم وزيد ازطم "
ازطم وزيد ازطم
راه حتى واحد ما يتكلم
القمع حكمة في بلاد الظلم
ازطم ولا ترحم
ازطم حتى يخرج الدم
راه كلشي تمزق وتحطم
ما بقى أمل غير زيد ازطم
وزيد القدام عندك تتبرم
راحنا غاديين في الظلام
قلبنا ضاع بين الزحام
وما بقات أحلام
بقى غير الحزن ألغام
والمعذب بحالي ما ينام
ترى السعادة أوهام
والقوم ولاو أصنام
حاشيين ريوسهم في الرملة كالانعام
حتى الإعلام ضعفوه واستسلم
ازطم وزيد ازطم
حتى يسيل الدم
راه ما فينا ما يتقسم
نموتوا جميع وما نبقاو في الهم
ازطم وتبسم
الدنيا ريح وغيوم
الدنيا موت وسموم
وحتى واحد ما سامع صرخة المظلوم
اللي عايش في بلادو مهموم
هذا سر الكلام
ازطم وزد ازطم
غادي يجي الوقت اللي تندم
واسمك في سكة الخيانة يتردم
حاول تتأقلم
قبل ما حيطك يتحطم
وإلى أنهار بنيانك ما بقى ليك ما تسلم
مستمر على درب الأمل رغم الألم :بلشقر محمد
تعليقات
إرسال تعليق