كتب الشاعر صبري عبد الواحد الحساني للمحيط العربي قصيدة بعنوان إتأخرتي كام سنة
كلمات/ صبرى عبد الواحد الحساني
معلم سابق بمدرسة الإصلاح الزراعي بنجع حمادى
محافظة قنا جمهورية مصر العربية
اتاخرتى كام سنه
اتاخرتى كام سنه
يا اغلى واعز حبيب
كان نفسى اشوفك من زمان
لكن دا قدر ونصيب
شفتك وفات الاوان
والشعر اصابه المشيب
لكن القلب شباب
ويعرف ازاى يسعد الحبيب
لو نجمه فى السما
طلبتها ليك راح اجيب
اتاخرتى كام سنه
كان لغيرى فيهم نصيب
اتأخرتى كام سنه
القدر ما جمعناش
غير بعدفوات الاوان
لقيتك رجعت شباب
وبقيت زى الحصان
القلب دق من تانى
والفرح بقى مكان الاحزان
شفتك نسيت اللى فات
وكأنى مولود الأن
رجعت سنين وسنين
وافتكرت شقاوة زمان
شفتك نسيت احزانى
يا جمال خارق فتان
صوتك كروان بيغنى
والجسم عود البان
والبسمه قمر منور
والضحكه نغم فى الودان
صورتك الله اكبر
تبارك الله الرحمن
نسيت عمرى وسنينى
والحب على وشى ظهر وبان
والصحه عادت حديد
والقلب بقى كله حنان
وفجأة صحيت من نومي
على صوت كلام الأذان
صحيت صليت الفجر
وافتكرت ايام زمان
تعليقات
إرسال تعليق