كتب الشاعر راضي السقا للمحيط العربي قصيدة بعنوان إنتم السبب
@ إنتم السبب @
والله إحتا معاكم حلوين لكن إسلوبكم وتعاملكم خلونا متحولين
نعمل معاكم أيه نعاتب ونلوم شبعنا ملومين
قلبنا ضعيف ضروري يجمد عشان نكون معاكم جامدين
لا سؤال ولا ليه ولا فين يارب نعجبكم يابني آدمين
ياللي دائما علينا مش سألين ولسؤالنا كمان ناكرين
قولنا قلبنا ضعيف مش مستحمل شوق ولا حتي حنين
ضحكتوا علينا وقولته خليكوا ليوم اللقى صابرين
يعني نبطل نسأل أو نعاتب عشان عنا تكونوا راضيين
وما تفكروش إن إحنا منكم أحبابنا زعلانيين
كل ما فيها بنسمع كلامكم ونكون في تعاملكم متوسطين
نتكلم معاكم سؤال وجواب كيف احوالكم يامتغربين
كنا معاكم شيء وبقينا شيء من فعل المحبوبين
وياعيني لما كنا عليكم نتلهف بكل شوق وحنين
ونقولكم ردوا علينا إنتم ليه عنا مش سألين
نرجع من تاني ونقول حقكم علينا إحنا غلطانيين
إنتم السبب وأوامركم راح ننفذها حقيقي إحنا أسغين
راضي السقا
تعليقات
إرسال تعليق