كتب الشاعر محمد مصطفى للمحيط العربي قصيدة بعنوان بنت الجيران
بنت الجيران ....
لما كنت عيل صغير
قلبى دق أما شافها
جاتلى حاله مش فاهمها
قلبى قالى يمكن حاببها
كنت اما شوفها جنب بيتنا
ألاقى ضربات قلبى زادت
والرعشة فى جسمى زادت
وعيونى لمعت بشده
واجرى دايما واستخبى
وهيا مش واخده بالها
ويعدى يوم وتانى يوم
ولسانى لساته ساكت
قلت فبالى لازمها واقفه
جاتلى جرأه مش عاديه
رحت اصارحها حبه حبه
يمكن تصيبنى منها محبه
حسيت عيونها منى قافله
قلت يمكن مش نصيبها
راجع وانا حزين
والدمع باين فى العين
وعدت شهور وسنين
وقلبى مليان حنين
كبرت ودخلت جامعه
وهيا ويايا فى الجامعه
قلبى دق أما شافها
ولسانى لساته ساكت
وضربات قلبى زادت
وشوفت عيونها السوده سحرتنى
ولحنين زمان خدتنى ووديتنى
وبيها تانى فكرتنى
قلت لاختى ع اللى فى قلبى
بنت الجيران هيا حبى
قالتلى قولها على ف قلبك
يمكن تطلع كمان بتحبك
ويعدى يوم وتانى يوم
قلت لازم اصارحها
رحت وسمعت كلامها
قلت لازم اقابلها
واقول كل اللى فى بالى
يمكن حالها يكون من حالى
قابلتنى بنفس رضيه
ونفسى كانت مرضيه
وساعتها قلبى كان طاير من الفرحه
وقلت اللى فى قلبى
وماحستش بنفسى مهى عيونها سحرانى
بنت الجيران انتى حبى
حبيتك وماكنتش خايف
حبيتك وقلبى كان عارف
جمالك طلع حكايه
وخليته فى قلبى روايه
انتى لازم تفضلى معايا
انتى حبى وحياتى .. انتى عمرى وسنينى .. انتى كل منايا
فعنيكى أنا ضايع
مش عايز حلمى ضايع
يدوب بلعت ريقى
لقيتها بتقولى
انت حبى وحياتى .. انت عمرى وسنينى .. انت كل منايا
بحبك من زمان وزمان
ومش هبعد عنك مهما كان
وهفضل دايما معاك
دا انا بحلم أكون وياك
وعمرى يفوت او يموت
بس اعيش لحظة معاك
ساعتها عقلى غاب
وقلبى طار
ومش مصدق اللى صار
كان فين كلامك من زمان
دى عيونك أحلى مكان
دا طلع قلبك نبع حنان
وانا اللى كنت فاكرك جنان
وانتى ساكنه قلبى من زمان
واتارى بنت الجيران حبانى من زمان
#محمد_مصطفى
ابو مازن
ما شاء الله عليك يبو مازن ربنا يوفقك دايما . استمر والله الموفق تحياتى
ردحذفتسلم يابومصطفى
حذفماشاء الله ربنا يوفقك ديما يا بابو مازن وديما في تفوق
ردحذف