كتبت الشاعرة سهام ماجد للمحيط العربي قصيدة بعنوان لحظة وداع
لحــظة وداع
كنت راجعة وقلبي صافي
بالمحبة قلت اوافي
ننسى كلمة قاسية بينا
قلناها وفرقت مابينا
كنت جاية أعتذر لك
وبالحنان آخدك واضمك
بس جا لي رد منك
شق قلبي جوا مني
رد فاق كل الحدود
كأنه لطمة ع الخدود
شفت نفسي تايهة مني
والأسى خدني وقتلني
ماسمعت غير دقات لقلبي
كل دقة قالت ايه ذبني؟
لملمت روحي وقتها
حسيت اللى جوايا انتهى
خدت نفسي ومعاها حيرتى
وسألت طيب ايه جريمتي؟
وبالدموع كانت اجابتي
هى دي نهاية حكايتي
بايدك بنيت بينا السدود
راحت معاها كل الوعود
ولقلبك خلاص ...
مش راح أعود
ودموع عنيا
عليك شهود
بقلمي
سهــ ماجد ــام
تعليقات
إرسال تعليق