كتب للشاعر راضي السقا للمحيط العربي قصيدة بعنوان ياترى
@ ياتري @
ياتري مكتوب نشوف بعضنا وإحنا أحياء والروح فينا
ولا مكتوب أرواحنا تتقابل في الفضاء وأحنا أموات طينة
جوايا الف سؤال وسؤال ليه وليه وايه بأيدينا
ليه ما كنا وليه بقينا على درب الخيال ليه العشق ينادينا
ليه الفرح معذبنا ليه الهجر عليه عتاب ليه الدنيا تشقينا
ليه نطلب الرحمة وليه نقابل الأسوة تقتل اللي باقي فينا
ليه نحب ونعشق وليه الحب تاه منا مش لاقينا
يارب الكون خليك ماشي معانا طيب خاطرنا وراضينا
على شهد العسل منا ضاع ومين غيرك يجارينا
مات الحنان والعشق بقي مرار مين شاهد علينا
اه يامرار الغدر الموت ع الأبواب مين عنه يفدينا
نتمني ثواني تتلاقى قلوب من حنانها تغرف وتسقينا
يارب ياحنين بعبادك إرحمنا من عذابك من الدنيا عدينا
راضي السقا
تعليقات
إرسال تعليق