كتب الشاعر ادهم العوضى ادهم عبده مجلى للمحيط العربي قصيدة بعنوان كلمات لها معاني
من ديوان شعر (كلمات لها معانى مع اجمل الاغانى) بمعرض الكتاب القادم
اغنية ( اه م الفرقه)
كلمات ادهم العوضى
أدهم عبده مجلى
★★★★★
لما نكون مع بعض انا وانت
أنا باستنى تغيب وتجينى
تضحك عينى ويفرح قلبى
وتزود لى حنين فى حنينى
اه م الفرقه واه م النار
حيره وغيره وشوق ومرار
اه لو دوقنا مرار الفرقه
ولا بكينا فى ليله بحرقه
راح نرجع تانى لطريقنا
وألقى عيونك سكنى ودار
اه م الفرقه واه م النار
حيره وغيره وشوق ومرار
★*★*★*★
قبل ما عينى تشوفك قلبى
عارف ان هواك ده طريقنا
والأيام لو كات هتخبى
يبقى مصيرنا هو فراقنا
واما بتبعد عنى ثوانى
بالقى الروح بتغيب وياك
والقانى تايهه عن عنوانى
ما انا عنوانى هو لقاك
اه م الفرقه واه م النار
حيره وغيره وشوق ومرار
★*★*★*★
لأ يا حبيبى اوعى تغيب
لأحسن تأخد ع الترحال
وألقى الناس على حبى تعيب
وتفرح فيا العزال
ارجع قبل ما يشمتوا فيا
ويبكونى ليل ونهار
وامسح ليا دموع فى عنيا
وألقى عيونك سكنى ودار
اه م الفرقه واه م النار
حيره وغيره وشوق ومرار
★*★*★*★
كلمات
ادهم العوضى ادهم عبده مجلى
تعليقات
إرسال تعليق