كتب للشاعر راضي السقا للمحيط العربي قصيدة بعنوان الزمن وعمايلو
@ الزمن وعمايلو @
أنا بقول مين قادر ع الزمن يتكلم
يقول أنا واقف والزمن عليا ماعلم
ضحك عليك شيطانك وأسال اللي قبلك تحت التراب روح عليهم وسلم
راح يردوا السلام لكن مفيش لسان يتكلم
أقعد معاهم خمسة وأسمع منهم تلاقيهم لحالهم الكل مسلم
لا صوت ينادي ولا عين تضحك ولا حتي تبكي أفهم يامعلم
كانوا عايشين ع الأرض والدنيا وخداهم بعيد واللسان بيتكلم
قال الحلوة والمرة وكله متسجل والزمن عليهم علم
خطوط في الوجه مرسومة عليها سكة سفر سلم يارب سلم
نهايتك تحت رجليك إوعاك تروح بعيد صحصح أنت ليه مبلم
ليه تكون كيف اللي قبلك لما قالوا أبدا الزمن علينا ما علم
راضي السقا
تعليقات
إرسال تعليق