كتب الشاعر د. السيد علي القن للمحيط العربي قصيدة بعنوان بقينا نخاف
...... ((( بقينا نخاف ))) ........
بقينا نكتفي في العيد
نعيد من بعيد لبعيد
بكلمه من خلال تليفون
رساله من م خلال فودافون
و ضاع الود و الرحمه
وتاه الحب في الزحمه
و مش فاضل لنا حاجه
تطيب خاطر أرواحنا
و زاد بينا الجفا والبعد
وزاد بينا الحسد و الحقد
و مين يذكر ليال زمان
وصوت رفعت مع الاذان
وجمعتنا في كل مكان
مع الصحبه في الميدان
بنحكي لبعضنا و نضحك
و نتسامر مع الجيران
ومين يذكر ليال زمان
مع الاهل مع الخلان
حاجات ياما تاهت منا
و سارت في دجي النسيان
نسيتم بعضنا كده ليه
و ضاع الحب ليه بينا
بقينا نخاف سوي نفضفض
و سار الخوف يفرقنا
لا عاد الأخ يطلب اخوه
و لا الأبن يرحم أبوه
ولا يفكر في يوم في أمه
ولا يجبر ف يوم أخته
و ليه الدنيا سرقتنا
خدت منا آمان بيتنا
خدت منا الحنان و الود
و فاتت لينا أساوتنا
و طمع الدنيا و جشعنا
و نسيت حتي مشاعرنا
ياناس الدنيا غداره
نسينا اللمه و الحاره
نسينا الأهل و العيله
و لمتنا مع الجيره
و ضاع الود في الزحمه
وضاع الحب والرحمه
عادات ياما ب تتغير
حاجات ياما كده تحير
بقينا ننام ما ب نفكر
بقينا ننام و ب نشخر
دولاب أحلامنا و أتكسر
بقينا ننخاف علي المنظر
وجوه القلب والجوهر
صبح فاضي و متفشخر
وآتاري قلوبنا مهمومه
وحتي الفرحه موهومه
وآتاري الضحكه مكبوته
مابين بكره و بين بعده
بقينا نخاف كده نفرح
تجينا الفرحه مكسوره
يفوتنا الفرح و يفارق
ويجي الحزن ب الحسره
بقينا نعدي علي جارنا
نخاف نرمي السلام مره
كأنه عدو في الحاره
و مترصد لنا خساره
واتاري أفكارنا مغلوطه
ملانه خيبه و عبيطه
كأن لوحدنا في صحرا
و أتاري النفس أماره
واتاري الدمعه محتاره
ما بين كلمه و إشارة
علي شفايف ملانه خوف
من الايام و غداره
ومن الدنيا و أفعالها
و فينا ناس مسجونه
ورا طباعها وأفعالها
و تقاليد لينا موروثه
وكنا زمان لينا أحساس
تحس الناس وظروفها
بقينا ننخاف نتكلم
عن الاحلام و عن بكره
ليصبح حلمنا فكره
وتبقي الفكره منقوصه
كلمات الاديب الشاعر
د/ السيد علي القن
تعليقات
إرسال تعليق