كتب الشاعر الحاج خليل محمد غريب للمحيط العربي قصيدة بعنوانقلتلا بتحبيني؟

 بسم الله الرحمن الرحيم.

يسعد مساكن.

شوية خفايا رح اكشفها ،بس ما تقولوا قدام الحاجة ، ترى بيخرب البيت . اتفقنا؟!!!!

قلتلا بتحبيني؟ قالتلي ، لأ بعزك

سألتا : بتتجوزيني؟ قالتلي بموت بعزك .

للحاجة ما بقدر ضُرا

وعليها ما بنزل ضُرة

خليني في حُبَك حُرة

ونتقابل من برا ل برا

وحُبك ع كيفي وعزك 

وبجنوني ، غُبّ ومُزَّك

قلتها ، ما بدها ، نتعة

امشي نتزوج بالمتعة

ما بدي نبقى نتوتر

وانتي عم تحترقي اكتر

هيك بهالحالة منتستر

أنا يا عمري مش عنتر

ولا عبلا انت او كِتعة

راغب شوف بوجهك متعة

وعم بتقوليلي ما ألذك.

أطيب من بَطَّك مع وَزَّك.

مش رضيانة ؟ قولي ، اعترفي

منروح منتزوج عُرفي

ما بدي شوفك زعلاني

اوشوفك مع واحد تاني

المهم تصيري بأحضاني

وتقولي بقلبك عنواني

وداري ، بتلاتعشر غُرفى/ة

وكل غرفة بشباك وشُرفي/ة

ولا لحظة ، تفكر إبتزك

وجنون الدنيا ما يهزك.

بترضي ، نتزوج مسيار

مِشيوا ، كتار بهالمسار

شرعي ، والفتوى حلال

ما فيها ، لا قيل وقال

ولا فيها ، عار وإذلال

وهون بيختبروا الرجَّال

مؤمن ، صادق او غدَّار

وعندو ألاعيب وأسرار

فالتلي مين اللي وَزَّك؟

ومع دمي بشرياني دَزَّك

وإبرة بعضلة ، مُسكّن غَزَّك.

كلمات : الحاج خليل محمد غريب.