كتب الشاعر راضي السقا للمحيط العربي قصيدة بعنوان أنا مين
@ أنا مين @
أنا العمر اللي فات ما شوفتش فيه لحظة حنين
أنا الزمان وحكايتي معاه كر وفر ودمع العين
أنا العاشق اللي تاه وكنت يوم دليل للمحبين
حولت الدفة وأنا في البحر عشان اروح لحبيب السنين
رياح تاخذني وموج يشيلني وصبري متحملني ووجعي أنين
معركة ضروري أخوضها أكون أو لا أكون ليوم الدين
نفسي اعدي لبر حبيبي واهزم الشيطان اللعين
كل أما أقرب خطوة يناديني يقولي رايح فين
أقوله رايح لبلاد حبيبي نفسي انام في حضنه ولو ساعتين
يقولي إرجع وخاف من المجهول النداهه تأخذك أسفل السافلين
قولتله أروح وأجرب حظي حتي لو راح أعيش بعدها يومين
كفيت منك يادنيا على زهدك صدقيني مش ندمان ولا حزين
جايلك حبيبي ناولني إيدك أنا ياما في بعدك فقدت الحنين
أملي أخذ نفس عميق معاك وبعدها أروح مع الرايحين
راضي السقا
تعليقات
إرسال تعليق