كتب الشاعر صبري رسلان للمحيط العربي قصيدة بعنوان حافية على النار

 حافيه على النار  (710)

....................

ما حاولتيش بعينيك تقرأني

وتداوي جروحي

ولا لمسه أيدك تنده لي وتغازل روحي

دي دموعي بتشتاق لحنانك 

لتطمن خوفي 

خايفه من أمس بدون ذكرى 

مشطوب من بالي

وخيالي لا قابل أحلامك

ولا شافك تاني 

الليل متغرب ليه بينا

لا حيطان ولا دار

والخوف يوم عندك يوم عندي في وصالنا إحتار 

وتلوم على قلبي إنه ما حسك وفى غيرته مرار

ومصدق كدبك رغم إنه 

عارفك فشار 

لك الف حكايه وروايه

وأفلام وحوار  

وإن قرب قلبي ترجعني

حافيه على النار 

وأحضن أشواك 

بعدك راضيه 

لا حيطان ولا دار

وإن كنت نصيبي ويوم 

قدري لهواك هختار 

لا ندم وعتاب 

لا فى عين دمعه والليل ستار 

همشي على دربه 

وأألف له حكايات وحوار 

بقلم .. صبري رسلان