كتب الشاعر زهير العسكري للمحيط العربي قصيدة بعنوان يا

 ْ               (يا عازف الناي)

يا عــازف الــــناي اشــكثـر  ـ   عـندي آنــه ويـــاك اعتـاب

كـــل ما يــون نـازف الناييــك جـمر  ـ   يلـــهـب دلـيلــي ابـعطـاب 

عــالفـارگــاني امـن الــزغـر   ـ  عشريني عمري وبيه شاب

مـن عـنده واعـرفت الـهوى  ـ  لــن هــوه دلانــــي الـــباب 

واعــدنـي مــا اعـوفك أَبـد   ـ  وال مــا تكـــون الأســباب 

واعيــونه تحـلفلــي ابنظـر   ـ   مـو بالكــلام او بــإِعجـاب 

چـانت مراسيــلـي ابــورق   ـ   لا بــــإِيمــو لا بالوتــســاب

واذكـر قراها اوصـب دمـع   ـ   من عينـه واگـليبـه الــذاب

لامس طرف إِيدي وسـكت   ـ  گـلبــي او لســاني الـمرتاب 

والچلـمه صـارت چن جبـل  ـ  والــحلگ حســبالــي انعـاب 

لا مــا أَضن أَنســه الــي مر  ـ  لحظـه ابــعمر ســوَّت مــاب 

كل جسمـي حسيتـه ارتعد  ـ  من شـال اديه عني او غاب 

گلِّي ارد عوفك شي واجي  ـ  مــا ابطـي چن ريـح الهــاب

لٰــكـنــه يـا وســـفه ابــتعد  ـ  وابـمشيتـه اگـليبي انصـاب 

طر گلبي حب طر عاشگي  ـ  وابــعــاده ســوَّانـي اتــراب 

يوم اعـلــه يوم امــناطـره  ـ  و ابـچيـلـه بچـي الـشِّـيـاب

تنزل دمـوعي اعله الْـگلب  ـ  ما صب على الوجنه وساب

خـافـن يـگـولـون انـكســر  ـ  هٰــذا الـــسَّلف منــه ايـهـاب 

لن چـلمـة الـشَّـامت سـهم  ـ  تنـــــزل عـلـيّ چـن تيـــزاب 

كل هٰـذا صار الي او جرىٰ  ـ  واســبابـه مــو مـن اغــراب

واتــخاصـم اويــاهم غـداً  ـ  لــنـــهـم رمــونـي ابـنـشَّـاب

واحلامـي طارت بالـهوىٰ  ـ  خـاتـم ذهـب ابعـش اغـراب 

يا سامعي القصـه انتهت  ـ  سيـف او ختل وسط اگراب

والــختمــه لازم تنــعرف  ـ  شعــري ابرجـز مــثل الـزَّاب

 الشاعر زهير العسكري