كتب الشاعر راضي السقا للمحيط العربي قصيدة بعنوان احلف يمين
@ إحلف يمين @
إحلف يمين أن أنا حبيبك
وغيري ليك مفيش
أحلف يمين انك حبيبي وروحي
وغيرك ماليش
لما نداني هواك لبيت نداه
رحت معاه قولت ياحزن روح ما تجيش
رميت الدنيا في قربك
تركت كل الناس معاك أعيش
أنا كنت شيء ومعاك بقيت شيء
وعن اللي فات ما تسألنيش
أحلف يمين وانا في بطن امي جنين
مرت حياتي عنوان على أفيش
وبين العتمة شوفت وجهك منور
بتمد إيدك ليا وتقولي ليه ما تعديش
أنا معاك وروحي فداك
وأنت حبيبي إحكي وقول ما تخبيش
أنا وأنت روحين وبقينا روح واحدة
ليه على حبنا ما تغنيش
راح اللي راح وأيه باقي من العمر
عشان نلحقه ونعيش
أنسي وانا كمان راح انسي
من غير يمين ما تحلفليش
راضي السقا
تعليقات
إرسال تعليق