كتب الشاعر راضي السقا للمحيط العربي قصيدة بعنوان لما كنت مرة راحل
@ لما كنت مرة راحل @
مرة من المرات زمان وانا في بداية الحياة ضاقت عليا كل الأحوال
خنقتني الدنيا خنقة أقوي من خنقة لفة الرقاب بالحبال
كانت الدنيا خرم إبرة وطريقها مسدود فكرت الملم حالي وأشد الرحال
طلع النهار قمت من نومي تارك ورايا كل عزيز وغالي ياخال
صوت القطر بيناديني وانا فوق المحطة على كتفي رامي شال
قاعد وفي إيدي كاسة شاي عيني في كل مكان والهم مني إغتال
شارد في وجوه البشر لقيت كل واحد منهم بيغني على موال
والكل واقف في المحطة منتظر وقوف القطر وصبرهم صبر الجمال
منهم اللي مهاجر لبلاد تلهف عمره .. ويروح تعبه بالنصب والأحتيال
واللي حب وعشق وسأل حبيبته عن حبه والرد كان سؤال
أنت ايه وعملت ايه أنا مش بنكرك لانك دخلت قلبي محتال
لكن أيه أخرتها طريقك طويل وأنا مفيش عندي طول البال
كنت قاعد بفتش في تفاصيل الزمن على وجوه الناس وأحلل الأحوال
لقيت اللي راحل عشان لقمة العيش وحامل هم تربية العيال
واللي ضاع حقه والطوفان عليه عدي وغطي قمم الجبال
مش قادر يرجع حقه طلب الرحال يمكن في يوم ينول المنال
قصص وحكايات مرسومة بأتقان فوق جبين ولاد الحلال
خلص الشاي والقطر فات ميعاده ولا جاش قولت أروح بلاها رحال
راضي السقا
تعليقات
إرسال تعليق