كتب الشاعر محمد بلشقر للمحيط العربي قصيدة غنائية بعنوان زجلية الحرف
قصيدة زجلية من ديواني الشعري*نغمة الحرف*
🤐 الحر ما يركع 🤐
يا هذاك كون تسمع
راه نجوع وما نركع
مالك كتخلع
من كلامي لمرصع
كتقراه كينوض فيك لوجع
وتنوض علي الصداع
عطيني التيساع
انا بويا كان اسبع
وما عمرو اركع
فكر منين هذاك الفرع
🤐🤐🤐
ولد الحر عمرو ما يتردع
وخا تعيا ما تتبع
راه عمرك ما تطلع
شحال قدك تقمع
سياستك كلها اخدع
گنس حار يالطيف
ما تنفع ما تقنع
ما بغيتي تشبع
حياتك كلها في الشر تزرع
فوقاش لطريق الله ترجع
🤐🤐🤐
يا هذاك لصگع
آش بغي تصنع
انا بالله وبالشرع
بعد من طريقي وعطيني التيساع
راه ما عندك ما تصور
من ولد السبع
يا هذاك البياع
عييتي ما تهبط وتطلع
وفي الزناقي ترقع
ما لقيتي ما تجمع
غير الخشلع
راه سياستك ما تنفع
غير كتزيد الصداع
انا ماشي اضبع باش نركع
راك غير كترگع.
مجدوب الحرف : محمد بلشقر.
تعليقات
إرسال تعليق