مسحراتي زمان للكاتبة أحلام شحاتة أبو يونس

 مسحراتي زمان مقهور و متحسّر

ع الّلي حصل و اللي كان

بس اللي جاي أكتر

غلب و شقا و حرمان

و ضغط مع سكّر

آدي أمّ عايشه وحيده

محتاجه سندة ضهر

دمعه مع تنهيده

و هموم تنشّف بحر

مشتاقه للحنيّه 

همّا فين الذريّه ؟!

حتى في أفضل شهر

نادِت عليهم قالوا :

يا امّا الدنيا تلاهي

بنلفّ في الساقيه

زيّ التيران و الله

و مش عارفين نعيش

و الرزق يادوب مافيش

حتى القوت الضروري

مش لاقيينه لعيالنا

مش كنتي يا امّا تقولي

إنّ انتي مش داعيالنا ؟

نبوس إديكي يا امّا

ماتدعيش يوم علينا

و سامحينا من قلبِك

و ادعي ربّنا يهدينا

رمضان كريم

أحلام شحاتة أبو يونس