كتب الشاعر محمد السيد الفنان للمحيط العربي قصيدة بعنوان خدني ياحلمي
خدني ياحلمي
وسفرني بعيد
واوعي ترجعني غير
في يوم الوقفه
واستني انا العيد
خدني ووديني
زمان من غير مواعيد
وياريت تجيبها معايا
نحكي لبعضنا الحكايه
وتبقي فيك انت البدايه
ومايبقاش حتي فيك أيام
وتخللي ليلك طويل
مش عايز للشمس ظهور
اصل لو ظهرت حبيبي
هايمشي علي طول
الحكايه مش ضلمه
ولا حتي نور
انا عايز الحلم بييا يطول
ونحكي لبعضنا ونبني
عندك عشنا
ومايبقاش فيه بشر وسطنا
ويشوفونا بنعمل ايه هنا
ويفتنو علي حبنا
خدنا وودينا ارض بس تكون
فيها مينا
واحنا بحبنا هانخلليها
اجمل مدينه
ماتجيبش عندنا عاشقين
وخللي حلمنا يبقي جميل
وخللي في وسط ارضنا
يبقي فيه مكان للنيل
ويبقي بتاعنا إحنا ونبعت
منه للعاشقين اجمل
أغاني ومواويل
وهم يقولولك تعالي ياحلمنا
وخدنا من هنا ونكمل عمرنا
دا احنا مستنيينك بقالنا زمان
ولو انت رجعتنا منك قوام
هانوصفك للعاشقين بتاج الأحلام
كلمات الشاعر محمد السيد الفنان
تعليقات
إرسال تعليق