منتدى المحيط العربي للشعر والأدب

 في عيد الام ((غابت امى)) كلمات مسيو احمد الصعيدى . يتيم وفى عيد الام مفيش أمي غابت وغابت عنى ضحكتها . غابت وخدت فرحتي والدنيا زادت مرارتها ويوماتي اعدى واشم في اوضتها ريحتها. وابكى غيابها واشتكى فرقتها. غابت ال كانت فرحة البيت فى قعدتها . ولمت اخواتى راحت معاها فى تربتها . غابت ال كانت البركة في دعوتها . غابت ومعدش لينا الا سيرتها . غابت روحي وغابت عنى ابتسامتها وقلبي موجوع ومين بعديها يعوضنا غلاوتها . غابت ال كانت تشيل همى كانت فى الفرح والحزن تضم وتسمى ماتت وراحت للخلود أمي يتيم وفى عيد الام مفيش أمي على مين يا ست الكل سيبانا كنتي شجره تضل الكل وبالمحبة جمعانا ورمانه مزان في البيت وإيانا نطلب تلبى وتحسى باللي جوانا وعايشين بخيرك وبدعاكي سترانا ماتت امى وشربت انا من المرار كاسى وأخواتي بعدك اتفرقوا وفقدت إحساسي يتيم ألام حي فى الدنيا للهم بيقاسى يرحمك ربى يا حبيبتي وتاج راسي وبالقران انا بذكرك دايما ومش ناسي