منتدى المحيط العربي للشعر والأدب.. كرامة المسيح ....,,, حمدان حلمي ,,,,
كرامة المسيح ....
شيرين في التابوت
قَتلها الطاغوت
ولكن كوفية
وطنها ملسها
وملفوفة بيها
وبتبُص ع اللي
قتلها وتقول له
أنا اهو يا مجرم
في راسي رصاصتك
تأكد جريمتك
وغدرك وجُبنك
وخوفك من اني
ما اعيشّي بكرامة
كرامة ( المسيح )
والبتول أُمُه مريم
طهارة عينيها
اللي باقية في روحي
ولكنّك انت حُماك التمرغ
في وحلة كيانك
كيان احتلال
أرض ماهيش بتاعتُه
كيان اغتصاب
هتك عِرض اغتيال
وطعن الزهور
النديّة وغصونها
تسابيحها قُدس
بكنايسها اللي
بيرفع فوقيها
الآدان كل راهب
إذا حسوا منك
بإنك هتقتل
( بلال ) في جنين
فتحضر ملايكة
بلال للقيامة
تقيد في المساجد
قناديل بروح
الشهيد والشهيدة
وأنا شيرين بو عاقلة
الشهيدة اللي ملسي
كوفية وجود
مسرى طه ونشيدي
ب اسلّم على
الأقصى بيه ( موطني )
( البهاء والجمال والجلال في رُباك )
وأنا في التابوت
وانت وطاغوتك
على ايديكو دمي
اللي سال من رصاصكم
مهوش ع البنادق
قيامة البنادق
عليكم قريبة
من القُدس تبدأ
وم النهر للبحر مية وحدا شر
تنكس راياتكم
وتكسر عينيكم
فلا تقوم ولا انت
وطاغوتك قيمتكم
في أرض العروبة
نهاري اللي طالع
أنا شيرين بو عاقلة
وكل اللي ماتوا
ف سبيل السلام
,,, حمدان حلمي ,,,,
تعليقات
إرسال تعليق