كتب الشاعر راضي السقا للمحيط العربي قصيدة بعنوان عايز احب
@ عايز حب @
منين عايز حب وخايف تقرب يأنسان من الحب
دائما بتهرب وتخفي نفسك جواك في أضيق جب
عشان جربت وفشلت ولا أنت مفيش إيمان بالحب
حياتنا فيها كثير وكثير وماشية للنهاية بعلم الرب
فيها أيه لما تفشل ونجرب تاني نفرح ويطيب القلب
النار ممكن تكون دواء للجرح لما نكويه من غير طب
نداوي جروحنا نعافي أنفسنا قبل الروح ما تطب
رياح أعاصير زواعب ضرورى نقابلها بالرضا أو الغصب
شوفنا جانب حقنا نشوف الجانب الآخر لو مر علقم صب
الدنيا مقسومة على أتنين أدم وحواء كره وحب
تعبنا من جانب واحد فين كأس الفرح ومين لينا يصب
عايز تجرب قرب ليه تهرب ده الأسد بيصارع الدب
والحياة قدامك دب خليك اسد قابل الريح قبل ما تهب
مش عايز خدلك تعسيلة وأركن ياعم على جنب
راضي السقا
تعليقات
إرسال تعليق