كتب الشاعر الشريف ابو محمد الهمامي للمحيط العربي قصيدة بعنوان يا والله عجب
يا والله عجب
تلهينا في الكورة
وتصاوير الموضة
والقلب ماعاد فيه حموضة
وشخنا بغنايات الحب
الايام تسري تزرب وتدب
ولا واحد عارف وين يشب
الجهل مصيبة ما عنده طب
شعب في الجحيم تكب
خربوها خوانة ونخب
الدنيا شاحت ولمن عارف لها سبب
الارض حمراء قفراء وجدب
والشعب يعرف للرب كان يسب
تلهينا في الكورة وغنايات الحب
الحال احوال والسعد تكب
زوالي حاير وين باش يشب
شكون منكم لاقى الي يحب
والا ها الشيء قراه في الكتب
ما ريته كان في بلاد عرب
كل نفاع من همه هج وهرب
اعطيني صاعي وخذ العنب
نخل قايم افرغ من جالى القصب
تلهينا في الكورة وغنايات الحب
حتى الشعر ساق النجع ودب
والريح الغربي عنده مدة ما هب
حليلي دايا ما داواه الطب
ركبتني الحمصة وحرقني الغلب
يا والله حال عجب
وين ماشي ركبك سواح عرب
الشاعر د الشريف ابو محمد الهمامي
تعليقات
إرسال تعليق