كتب الشاعر أشرف محمد السيد للمحيط العربي قصيدة بعنوان العيد
قصيدة 💥 العيد الكبير
👈عامية مصرية 👉
بقلمي✏ أشرف محمد السيد
☆•••☆•••☆•••☆•••☆•••☆•••☆•••☆
☆ العيد كبير إنما ، مش للفقير موصوف
نفسي أجيب أضحية ، عجل وجمل وخروف
مسكين و طافح أرف ، بس البعيد حلوف ☆
☆راضي أنا بقسمتي ، جايز أدوق لحمة
هنزل وأ شوف و أشتري ، التمن ف الزحمة
نشال سرقني وخلع ، فقر و مفيش رحمة ☆
☆عندي خبر ، حظكم هكتب على المكشوف
و إللى عماه القدر ، جايز بخبطة يشوف
دنيا و فيها الجشع ، راكب شروط و ظروف ☆
☆ضحكوا علينا إنما ، ناصح و دمه خفيف
إصبر تشوف العجب ، ترجع سعيد و نضيف
الحَر جِة ف الشتا ، و البرد جاى ف الصيف ☆
☆اللحمة من كترها ، هتجيبلك الأمراض
و الراحة فقر و كسل ، بتزود ا لأعراض
الديك سمع كدبهم ، زي النتاية باض ☆
☆حِب التعب والقرف ، و إياك تقول الأي
سيب البلد تتنهب ، داوي الجروح ب الكي
شيل الهموم وإحتسب ، ضى القمر مش ضى ☆
☆إسمع كلامي أنا ، إياك تعيش مكسوف
قالوا إللى ماتوا إختشوا خلوا الكلام منتوف
سيبك من الهندسة طبل ، و خد مصروف ☆
☆خمسين سنةعشتها ، زادت على الخمسين
برضع فصاحة وأدب ، و احبس بفكر و دين
وأجمع حكاوي وحكم ، من ناس كتير لاسعين ☆
☆شوفت العبط والهبل ، زي الصاروخ طالع
مخلوع و ضرس إتحشى ، كَوِش و راح بالع
كرشوا وجيوبوا إتملت ، شخر و راح خالع ☆
☆ضهري ودماغي إتحشر ، والعين كواها الشر
والعقل ساح و إتفرم ، فاض ع الجماعة و خر
ربك يجيب دعوتي ، دعوة غريب مضطر ☆
☆يارب دي كلمتك ، عدل و سُوَر و حروف
والرحمة من حكمتك ، حج وحجيج بيطوف
جبار عزيز منتقم ، غفار حليم و رؤوف ☆
•••••••••••••• بقلمي✒
أشرف محمد السيد
🌺
تعليقات
إرسال تعليق