كتب الشاعر راضي السقا للمحيط العربي قصيدة. بعنوان قالولي انساه
@ قالولي إنساه @
الناس قالولي إنساه
ده حبيبي ياناس وازاي حبيبي أنساه
أنساه وأنا دايب في هواه
وعمري اللي فات عشته معاه
دنا قبله كنت تايه ورسيت وياه
وسواد الليل قلبي عشانه عداه
في حبه نسيت زماني نسيت أساه
حبيبي هوه ولجرحي دواه
سكنته قلبي وعيوني عشقاه
خدني حنين الشوق شوفت قمري في سماه
الحب معاه نداني خلاني دوبت ف هواه عشقت روحه وزمني بيه ما أحلاه
قلبي في أحلام لياليه ياما نداه
حبيبي يرد الندا يغني غناه
اشوف عيونه نظرة منهم لقلبي سحراه
لما يشوفهم يتوه قلبي عن خطاه
وشعوروا فوق جبينه مائل بخصلاه والشفايف مرسومة وعيوني رسماه
جمال خدوده حكاية ياناري من خداه. قوامه من جماله عقلي راح معاه
بعد كل ده الناس تقولي إنساه
طب إزاي حبيبي ياناس أنساه
راضي السقا
تعليقات
إرسال تعليق