كتب الاديب راضي السقا للمحيط العربي قصيدة بعنوان البقاء لله

 @ البقاء لله @

سمع فلان مات قال البقاء لله اهو مات وارتاح 

منين الراحة وليه بنقول كدا مع العلم الدنيا فيها براح 

لكن هناك ضاق المكان ونطلب الرحمة والسماح 

سؤال ضرورى نراجعه ونفهم ليه بنقول مات وإرتاح 

يمكن عشان كان المرض إتملك منه وشفاه غير متاح 

ولا يمكن عشان تعب الحياة وقسوتها وكل شيء فيها  غلط مباح 

ولا يمكن عشان وراه ورث واللي منه عايز يورث الأرباح

ولا يمكن عشان كان قريب من ربه قالوا اهو ارتاح وراح

ولا يمكن كان عايش مع نفسه ومفيش منه مصالح تستباح

ولا يمكن كان غريب ماله قريب ومن الدنيا راح 

ولا يمكن كان ظالم جبار قالوا عليه اهو مات والناس منه ترتاح 

تلاحظ الكل إلا مارحم ربي يقول أهو مات وإرتاح 

راضي السقا