كتب الشاعر راضي السقا للمحيط العربي قصيدة بعنوان عليل بعلتك
@ عليل بعلتك @
حبيبتي بينك وبيني مسافات والمرض صابني لما صابك ياست الستات
يبقي ده توارد علل ولا الأرواح بتتلاقي وإحنا نايمين في سبات
يطلعوا من دنيا البشر لحياة الخلود يحكوا عن حبهم بالساعات
حياة لا فيها غدر ولا خيانة كلها محبه وعشق وغراميات
وجعك وجعي إحساس اسعدني عطاني علامة أنا مش من الأموات
أنا أحب أعشق أنفاسك أذا أنا حي معاكي حتي لبعد الممات
صورتك في نن العين ثابته في قلبي ساكنة ياعيني عليكي سلامات
بدعيلك والعقل فيكي مفيش غيرك فيه وغيرك من المستحيلات
ما صدقت لقيتك غيرتي طعم الحياة وجالي يوم في الهنا أبات
تسرح ارواحنا وتترك عقولنا تلف الكون سبعة لفات
ومع طلوع النهار ترجع الأرواح تسكن الأجساد ونصحي على الأهات
راضي السقا
تعليقات
إرسال تعليق