كتب الشاعر صلاح محمود عفيفي للمحيط العربي قصيدة بعنوان م انيش فاكراك
م أّنيش فّاكراك.........
م أّنِيش فاكراك ولا فاكرهّ
بأّني معاك مشيت فاكرهّ
أّطوف وياك حدود بُكرهّ
وعلي فِكرهّ
م أّنِيش فاكرهّ
بأّني وراك مشيت فاكرهّ
زمن ماضي
كلام فاضي
ومين فاضي
يبيع الجّي والماضي
عشان يهواك
وبعد.. م يبقي بيك راضي
ومِنّك يرضي أي وعود
يعيش بهواك علي الهامش
وع المّوجود
وع الحلم اللي مالهُ وجود
كلام فاضي
لأّول مّرهّ بأّتأّمل
حروفك وإِنت بتكّمل
وخوفك وإِنت بتعّلل
ف أّسباب الغِياب بينا
وبتسّلسِل
علي باب العتاب قولك
وأنا أصلاً رافِضهولك
ح أجيبهولك لحد الباب
لأن هوايا مش كداب
ولا قلبي خرج هّلل
علي قولك
ولا بّواب خيالاتي
بدأ يركن
ويفتحلك سلاماتي
ولا سّطرت حكاياتي
ف أي كتاب
يغافل قلبي ويسيبك
كِدهّ تِرسل
وتِستّرسل عِباراتك لأناتي
دهّ إمتي حكاية إن إنت
اللي جاي آتي
وبتهاتي لدقاتي
وخايف حُبي م يواتي
ويرجّعبك جريح الليل
معاك مناديل..؟
ولو م معكش م يخالف
ح أطّلعلك آهاتي تزيل
من المواويل
ملامات البُكا ريحك
ومن تباريحك القناديل
تسّقط يّم تماسيحك
وتِنسجلّك بُكا تاني
عشان قلبي اللي غّواني
يصّدق إنك الجاني
وتنساني....!!!!
شعر
صلاح محمود عفيفى
تعليقات
إرسال تعليق