كتب الشاعر مهدي خليل البزال للمحيط العربي قصيدة بعنوان مولد النور

 مولد النور .

جوهرة  كانت  معلّقة  بآخر سما 

نزلت  عا بقعة  نور  زكّاها .

 وكرمال طه  وخاتم الأديان 

 كلّ  نجوم  الليل   ضوّاها  .

وعا إسمك الشَّمس سمّاها .

تاني سما شاف النّبوة تجمعوا

يتباركوا من المصطفى طه .

طيف ومرق  عطّر  مكانوا ومطرحوا

 عنبر  ومسك  وفيح  عبّاها 

سبحان ربّ الكون محلاها .

وتالت سَما لمّا مشاها عروج

كل ما مشي بحياض حلّاها .

كلّ الطريق يرافقوا نورين 

نور الحسن ها المجتبى وحسين 

كرمالكن  ها  الأرض  سوّاها .

رابع سما شاف العصا والسيف

وخاتم سليمان وأسحار خبّاها .

حتى القميص اللي شفا يعقوب 

وردّ البصَر العيون مجراها .

وبفضل رب الكون  غطّاها .

خامس سما سلّم على هارون 

وكمّل على  الطّبقات  حنّاها .

سادس سما سلّم على موسى 

وكفى على الفردوس والميزان

كرمال يبقى العدل جلّاها .

سابع سما فيها خليل الله 

برد وسلام النار سوّاها .

وصّل عا سدرة منتهى 

ألقت سفينة نوح مرساها .

وحواض جنة الربّ خبّاها .

لمّا قِرب عا الربّ شاف اللوح 

أسماء محفورة إله العرش سمّاها .

وزيّن الأسماء حول العرش

طه وعلي وبضعة نبينا المصطفى

أسياد حدّ العرش خلّاها .

وكرمال تعرف أمتك يا رب 

إنو الشّمس شهدت بمجراها .

ومن يوم ما عرفت بميلاد النبي(ص)

ال نجوم  عمّ الحبّ جوّاها .

وعا البعد  لمّا خلِقت أدناها .

متباركين بمولد نبي الرحمة محمد صلى الله عليه وآله وصحبه .

شعر مهدي خليل البزال .

من مدينة الشمس بعلبك لبنان 

ديوان الملائكة .

25/9/2023