كتب الشاعر راضي السقا للمحيط العربي قصيدة بعنوان فراق قبل الموت
@ فراق قبل الموت @
ليه يا دنيا لقى الأحباب صعيب متفرقين وإمتى نتقابل والحظ منين نجيب
زي ما كنا كل منا عايش حياته بيدور على حبيب
وأنا عن نفسي كل طلعة نهار أنادي هل من مجيب ؟
من زمان عايش على ده الحال ألاقى حبيب مني قريب
يحبني ويكون ليا في الدنيا النصيب
في لحظة الحظ نداني قابلني بأجمل وارق وأطعم حبيب
منايا وحياتي هوه ولما يكون جنبي ناري لهيب
لا أنا قادر أبعد عنه ولا قادر أسيب أو عن عينه أغيب
لكن فراق البلاد يقتل الأحباب يا مر الصبر كم أنت رهيب
حبيبي روحت معاه عشقت هواه لقلبي هوه الطبيب
تعالي نعيش الحياة سوا لا تقولي بعيد ولا قريب
نهزم فراقنا حبنا يقربنا تلاقي بلدك معايا ياغريب
راضي السقا
تعليقات
إرسال تعليق