كتب الشاعر ادهم عبده مجلي للمحيط العربي قصيدة بعنوان انا استاهل
اغنية (أنا استاهل)
ادهم عبده مجلى
ادهم العوضى
★★★★★
بتزعل منى و تخاصم
وتبعد عنى بالساهل
وربى بجرحى أهو عالم
حبيبى خلاص ما انا استاهل
عشان سيبتك تعيد وتزيد
وتجرح قلبى يوم العيد
وتتكلم كلام ما يفيد
طب أختار حاجه تستاهل
★*★*★*★
عشان دايما أسامح وانسى
ولا بتعمل لقلبى حساب
تزيد فى الجرح ليا وتآسى
ومستنينى أدق الباب
واقولك آسفه اه ومعليش
والاقى شكلك فيه قلبة وش
تقولى امشى وبرده أخش
وحبى ليك أمل كداب
★*★*★*★
عامل نفسك كبير فاهم
وبتكلم فى تلميذه
وتجرح فيا ليه يا واهم
دى نفسى عليا دى عزيزه
ده نفسى أعز من مية حب
و لو أهنها هأحس بذنب
عشان الحب عقل و قلب
ومن غيرهم ما فيه ميزه
ما أنا سيبتك تعيد وتزيد
و تجرح قلبى يوم العيد
و تتكلم كلام ما يفيد
طب أختار حاجه تستاهل
★★★★★
أدهم عبده مجلى
أدهم العوضى
تعليقات
إرسال تعليق