كتب الشاعر صبري رسلان للمحيط العربي قصيدة بعنوان حباية شجاعه

 حباية شجاعه (679)

...................

ما بقيتش أتحجج وأتورط 

ولا أنط السور

ولا أقلع جزمه وأتسحب

ولا أطفي النور 

داخل من الباب سيد عصره 

هرقل جواه عاجز وصفه ولا قوة ثور

أول قلمين ولا خد عضه 

ورماها بعيد نام وإتغطى 

كدمات سحجات وش مورم 

لساها ما فاقيت من الخضه 

مصدومه ده مين أحمد جوزها 

جاته قوة ثور شلفط بوزها

ولا همه المنفضه 

وحبالها ولا همه تسد الباب بطة

كسراله ضلوع أول سابق

شبعان من ضربها ياما أفضى 

حبايه بتقلبه ولا عنتر 

وتجمد قلبه ويتصدى 

دي نصيحه الشيخ 

قاله إسترجل 

وحقوقك حد وزيد شارطه 

والخوف جواك لجم حالك 

خلاك ولا حولا ودي الغلطه

من يومها البطه في طوع جوزها 

وإتغير حال بنك حظوظها 

سنتين في رچيم دابت بطه 

تتشال تتحط ما فيش ورطه   

عرفت أيه دورها ودور جوزها 

بالحب البيت بان ع الخارطه 

بقلم .. صبري رسلان