كتب الشاعر راضي السقا للمحيط العربي قصيدة بعنوان العشق والموت

 @ العشق والموت  @ 

ساكن الأرض وعاشق قمر ده معقول 

العشق مكتوب ومفيش كلام نقول 

ياليل ع العشق ليه بتغني في وادي كله سيول

 أنا أيه نابني من العشق غير وجع القلوب والكل معلول

 والأرض كلها مسافات بالعرض والطول 

لا شيء بيتغير ولا عشق عند الزمن مقبول 

حتي البكي كان زمان رحمة وراحه واليومين دول أغنية ع التون كول 

نسمعها نستعجب لحالنا والدنيا عند نوح خروج من باب ودخول 

عذاب من البداية لأخر نفس والروح على وضع إستعداد للطلوع

جنيت منها أيه وأنت تايه فيها وعايش جواها مخلول 

كل حاجة تحصل بتساعدك لفقد العقول 

ويوم ما تعرف الحقيقة يحضنك غول 

ويقولك نهايتك هنا أنا الموت وكل يوم بنادي وأقول 

أنت معايا وأنت لسه شوية وكله مكتوب عندي في الكشكول 

راضي خلي بالك وقت الرحال راح تدق الطبول 

ببعتلك علامات اولها تزهد الدنيا تبعد عن الناس بابك عليك مقفول 

وكمان عن ملذات الهوي وشهوات الدنيا عنك  راح تزول 

إسمع مني وعني بلغ..... كل واحد منكم له يوم عشان أنا الحق والصح  والمعقول 

عن العشق أعشق لكن أمرك مش في إيدك إصبر ليه تكون عجول 

مكتوبلك مفيش كلام ضروري تشوف ولو مش مكتوبلك مش راح تنول 

راضي السقا