كتب الشاعر عصمت لملوم للمحيط العربي قصيدة بعنوان دموع الندم

 دموع الندم 

$$$$$

بكره تعرف قيمه ابوك

لما  يبقي  ع الحيطان

اما يبقي  بس  صوره

جوا برواز  مش كيان

تفتكر   كل   كلامه

والدموع تنزل كمان

انك انت كنت قاسي

واللي عاجبك دور جبان

ولكلامه كنت  عاصي

ومنه  رافض  للحنان

بكره راح  تقوله  يابا

بعد  منك  مين كمان

راح يكون للدهر ضهري

وبعدك انت مفيش امان

نفسي  اسمع  تاني صوتك

ولاخبطك  ع  الببان

وانت   بتنادي   عليا

وتقول واحشني ياجبان

ياابني ليه طابعك اسيه

واوعي  تأمن  للزمان

بكره ابنك ليك هايكبر

والتاريخ  يتعاد  كمان

والدموع ساعتها برضه

لما  تبقي  ع الحيطان

جوا برواز ليه شريطه

بعد  مايفوت   الاوان

               $$$$$

عصمت لملوم

Esmat  Lamlom