كتب الشاعر صبرى عبد الواحد الحساني للمحيط العربي قصيدة بعنوان إداني ربي

 كلمات شاعر بنى هاشم 

الشاعر صبرى عبد الواحد الحساني 

     إدانى ربى أكثر من اللى نفسى فيه 

كان نفسى وكان نفسى

              حاجات كتير ما حصلتشى

وقعت كتير وأقوم واوقع 

               نفسى اقوم وما اوقعشى

كان نفسى وكان نفسى

                انام وفى نومى ما احلمشى

اقوم وامشى على رجلى 

                وعلى غيرى مااسندشى

صبرت كتير اتارى ربى

                 مخليلى اللى بيه ما احلمشى 

اكتر من اللى نفسى فيه

                 واللى على بالى ما خطرشى

اعطانى كل اللى نفسى فيه

                 وقلبى ليه ما وجعشى

حبيبى رسولى عليه صليت

                 ولسانى عن ذكره ما وقفشى

وحمد وشكر واستغفار 

                  وفى صلاتى ما اقصرشى

ونيه سليمه وقلب ابيض

                  وكلامى فيه ما ارجعشى

وحب الخير لكل الناس

                   واسامح من أساء وما ازعلشى

صحيح فيه ناس ما تستاهل

                   ومهما نعمل ما بتفهمشى

الدنيا بضحكتها غرتهم 

                    ووشها الثانى ليهم ما ظهرتشى

كان نفسى وكان نفسى

                     لكن حتى الآن ما حصلشى

ربى كشفلى وشوش الناس

                     علشان فى بعدهم ما اندمشى

وهيحققلى كل اللى بتمناه 

                     ويزيد عليه ما ينقصشى

ده وعد لعباده واعده

                      اللى يصبر ليه ما هخزلشى

وانا صبرى وإيمانى

                      فى قدرة الله ما بشككشى

وعارف أنه فرجه قريب

                       علشان كده ما مستعجلشى