كتب الشاعر نصر سيد بدر للمحيط العربي قصيدة بعنوان حلم الليل .. والنهار
حلم الليل.. والنهار
باحلف أنى كنت هالك
قبل ما اصادف جمالك
كنت ماشى فى غيامه
فى طريق مالوش علامه
يعنى مش سكة سلامه
صعب انى احكىيها لك
كنت راضى من حياتى
راضى حتى بالأقل..
حتى شفت جمال عيونك
دول عيون مالهمش حل
من يوميها وقلبى حبك
فوق ما يتصور خيالك
من يوميها وقلبى عاشقك
عاشق الحسن وجمالك
من يوميها وقلبى عندك
تعملى فيه ما بدالك
راضى ظلمك.. راضى عندك
حتى بعدك.. او دلالك..
...... ........
الأمل ساكن فى قلبى
انى يوم أنول وصالك
تجتمع عندى العيون
والجمال ويا السمار
تنتهى فى قلبى الظنون
تنطفى فى القلب نار
يتولد حب بجنون
يبتدى حلم النهار..
واقفل الجنه علينا
وانسى مر الانتظار..
وانسى إيام الانكسار.
...... ........ ....
شغر/ نصر سيد بدر القاهره
تعليقات
إرسال تعليق