كتب الشاعر بلدز البربري للمحيط العربي قصيدة بعوان ابمسحراتي
المسحراتي
بيقولوا عليك مسحر اتي منقراتي
عارف ليه علشان بتقدر تصحي مراتي
وتخليها تقوم تحضر السحور
ماانا لو مسحرتش مش هقدر اصوم
ولا هقدر الصبح للشغل هقوم
يا حلاوتك يا جمالك
مع هلال رمضان بيهل هلالك
طول الليل ماشي على رجليك
تغني اغاني جميله
وتحكي قصص الف ليله وليله
وتقول يالا قوموا للسحور يا حلوين
علشان تصبحوا صايمين
وتنادي على أحمد ومحمد وحسين
بتبقي سعيد وانت بتنادي علينا
واحنا نناَم ونستني تنده
وتقول اسامينا
بنستاك من السنه للسنه
ربنا يجعل ايامك وايامنا خير وهنا
وتيجي تصحينا كل سنه
كل سنه وانت طيب
يا حلو انت يا طيب
وتغني لنا كمان يا ليل يا عين
على الطبله والزماره
وتقف كل شويه عند كل عماره
يصحوا وينو روا النور
ويحطوا الأطباق داير ميدور
علشان احلى واجمل سحور
يتجمعوا ويتسامروا بالقصص والحكايات
ويعيشوا ويفتكروا أجمل الذكريات
وبعدها يروحوا يصلوا ويقرأو القرأن
كل يوم على دا الحال
يستنوا ينده عليهَم
المسحراتي باساميهم
ويقف تحت العماره يصحيهم
وأخر الشهر يلم المعلوم
ماهو بيصحيكم كل يوم
وياخدها ويبقى فرحان بالهدايا
وندعي له ويدعي لنا
يجيلنا السنه الجايه
ماهو مسحراتي منقراتي
علشان بيصحينا كلنا
مش بس بيصحي مراتي
كلمات
يلدز البربري
تعليقات
إرسال تعليق