كتب الشاعر فتحي ابو طاحون للمحيط العربي قصيدة بعنوان عروسة الصعيد

 (عروسة الصعيد)

    ياقطر الساعة 12

    يا مقرب البعيد.

    باعت معاك مكتوب

    لحبيبي وفيه حديد !!

    يطمن قلبه عليا .و

    يطمن قلبي عليه..

    يقوله مشتاقه عينيا.

    لنظرة حنان عينيه ..

    لغمزة رمشه اللي دبحني،

    خلاني بقيت دايب فيه !!

    لضحكة شفايفه تفرحني،

    للمسة تحضن أيديه ..

    لحضنه الدافي يدفيني.

    لصوته الصافي يشجيني..

    لشعره السايح والهوا .

    على كتفي بيرميه ..

    ساعة مابنكون سوى.

    بنبدر حبنا وندى الليل بيرويه!!

    أمانة لا تبلغه يا قطر.

     حبه بيجري ف دمي واصل..

     دي الحياة لو كانت عسل ؟

     فاالعسل من غيره باسل ؟!

     دا خضار عيونه بيخدر.و

     العين ف بعاده ما بتنام ..

     بالماس يتاقل ويتقدر .

     دا جماله ولا ف الأحلام !!

     إن خطى على أرض بور ؟

     تطرح الأرض سنابل خير ؟!

     دا الوش طبق بنور .و

     منه القمر بيغير ؟!

     عيونه نجوم بتضوى وبتلالي.

     علشنها يهون العزيز ويرخص الغالي !!

     أصلهم يا خلق دول قمرين.

      يلد عليا أجيب لهم عمرين !!

      ما بين رموشي أخبيهم، 

      وأقفل عليهم العين !!!!

       ..حبيبي ياناس كهلال العيد..

       ...إن هل يخلي الكون سعيد ؟!!

          من بحري لقبلي وغرب وشرق،

        ....ما لقتش ف جمالها عروسة الصعيد ؟!!!

        .....ياقطر الساعة12يا مقرب البعيد.....

                                       بقلم.

             فتحي ابو طاحون

21/9/2024