كتب الشاعر امير على للمحيط العربي قصيدو بعنوان

حبتضحكي قصاد الناس قال يعني بتداري 

بتداري ايه ولا ايه يام العيون غزلان 

تشيلي في هموم الناس وانتي همك فين 

وتقفلي بليل بابك لوحدك وتداري 

.

تكتبي بيوت في الشعر والسر فأخر بيت 

بيحكي كل شئ عن همك واحزانك 

وأن حد سالك مالك تقولي فرحانه 

وقلبك اهو بيبكي من هم ايامك 

.

ماتضحكيش علي ناسك وتقولي مبسوطه 

وتمسلي الافراح وتخبي اقدامهم 

كيفك تراضي الناس وتخففي آلامهم 

وتمشي لحبايبك اراضي وتموتي علشانهم 

.

واخر الليل ..

تقفلي عليكي الباب وتكلمي نفسك 

وتشكي هموم ماضيكي لقهوه مظبوطه 

وتقلبي في الصور لذكريات عدت 

وتراجعي كلام في الشات لشخص كان خاين 

وتبكي علي قصه أساسها توته ياحدوته 

.

وتخرجي للناس وتضحكي اقصادهم 

وكأن كان ليلك افراح وكان كله امان 

بتداري اي ولا ايه يام العيون غزلان 

تشيلي في هموم الناس وانتي همك فين

.

#امير_علي 👑⁦☝️⁩