كتب الكاتب خليل محمد غريب..للمحيط العربي نص بعنوان يابنت الناس
السلام عليكم ورحمة الله وبركاته.
بدنا نغيِّر اليوم ونكتب عتابا.
يا بنت الناس دخلك كلمينا
الموج عَطَّل هياجو كل مينا
شبابي راح ، عزمي ، كَل مينا؟
اللي فينا هيك عملت ؟ شو السبب.
تعي تا ذكِّرِك بسنين مَروا
سقوني بكاس واستطيبت مُروا
عيوني بعتمة الأيام مَرُّوا
عيونك والهوى شعشع وطاب.
أنا أعلَم ، أنا بالحٌب أوعا
تركوني بتختها ، ما بريد اوعا
نصيحة من قِرِح مجنون أوعا
تعيف الحب ما زالك شباب.
إعملي اللي قلبِك ارتحلو وقبلو
وإنسي اليوم ومبارح وقبلو
اسمحيلي بوس لراسِك وقبلو
ولقلبي سامحي ، استسلم وتاب.
كلمات : الحاج خليل محمد غريب
تعليقات
إرسال تعليق