كتب الشاعر رمضان الدمرداش للمحيط العربي قصيدة بعنوان نصيحة لبعض البنات
نصيحة لبعض البنات\ كلمات من الواقع
عمر جمالك ما كان
زينة أو الوان
أو أحمر أو مكياج
أو جيبة أو فستان
طول ماقلبك جميل
ومسكون بالحنان
طول ما طبعك أصيل
وجواكي نور وأيمان
هو دا الجمال وهقول كمان
عمر جمالك ما كان
هفكر ألبس أيه
أو منظر مش تمام
أزاي راضية عليه
طول ما أدبك موجود
ودايما تحافظي عليه
جواكي مبدأ مولود
وبقلبك تراعيه
هو دا الجمال وهقول كمان وكمان
عمر جمالك ما كان
فستان يلفت النظر
أو ضيق أو محزق
كدا هتعيشي في خطر
ليه يابنات جمال القلب إندثر
عيشي بطبعتك زي الطيور علي الشجر
هو دا الجمال هقول كمان وكمان
ونصيحة من رمضان
قلب شاعر\ رمضان الدمرداش
تعليقات
إرسال تعليق