فكر وخمم للشاعر محمد بلشقر
👩💻 فكر وخمم 👨💻
=======
تعلٌَمْ
وكون تفهم
قبل ما تتكلم
لمعاني الحروف افهم
حروف مكتوبة بالدم
الحاكم في حكامو يظلم
والمسؤول ينهب
ما بغى يحشم
كلشي مع الفساد تأقلم
وحتى واحد ما قادر يتكلم
المثقف فمه تكمم
روضوه
تابع غير الدرهم
=======
الإنسان مأزم
من هول الزيادات
حتى واحد ما اسلم
الكل يبكي ويتألم
على الحقوق اللي كتهضم
وخيرات البلاد
بين الشلاهبية كتقسم
هادشي راه يصدم
بلاد الظلم
اللي نطق على الحق
يسجنوه ويتعدم
كون ياخوي
واعي وافهم
الحروف كلها رسائل
يامعلم.
مجدوب الحرف :محمد بلشقر
تعليقات
إرسال تعليق