عايز انام للشاعر راضي السقا

 @ عايز أنام @

حبيبي خلي طيفك عندك الليلادي عشان عايز أنام

السهر بقي ملازمني والنهار راح مني والليل وصل أوام

اول الليل طيفك منتظرني على فرشتي يفتح باب الأحلام

واصل سلامك على كف متحني في ليلة عشق وغرام

وليلة وراها ليلة وكل مرة حكاية نعيش فيها يا سلام

طبطب عليا بجفن عينك الشوق شوقي وانت الوحي والإلهام

روحك في جرابي والليلة توب خلص الحبر من الأقلام

 أنادي والوقت عادي روحك مع روحي بدون خصام

حبيبي واحد ماليش دعوه بغيره عشقه عالي تمام التمام

دايما معايا وكل يوم حكاية عاملين ع النوم إعتصام

لكن عشان نكمل المشوار ضروري نوقف الأفلام

شوية نرتاح ننام نصحي نتلاقي نقول كلاكيت أوام

راضي السقا