أنا حر للشاعر بلشقر محمد
"" أنا حر ""
انا ماشي حولي تسوگني كيف بغيتي
انطيع اللي خلقني ورزقني
ونحارب كل واحد انهب خيراتي وسرقني
صامد وحتى شي حاجة ما ترهقني
انا تولدت حر
ما بغي نعيش مقهور
برضا الوالدين مستور
تابع طريق الله كلها نور
وأنت باركة ما تلف وتدور
بالخبث أصبحتي مشهور
*******
أنا حر نكتب ونعبر
وما بغي حتى لواحد الشر
أنا حر ربي رزقني دماغ به نفكر
الحرية طعامي وشرابي
طموحي في الدنيا كبير
باغي التغيير
الحرية لحمي ودمي
وأنت باغي تكمم فمي
خليني نلقى حل لهمي
باركة ما تحرق لي دمي
افهم راسك بلى ما نسمي
*******
انا حر ماشي مرهون
انا حر ماشي مسجون
افهم كلامي
راه باغي نحقق احلامي
انا غير درويش
واعطاني الله من الحكايم باش نعيش
باركة من التهميش
*******
راه كلامي مافيه اكذوب
ار ديجع لطريق الله وباركة من الهروب
راه كلشي في اللوح مكتوب
راني حر ياهذاك المرعوب
صفي راسك وقلبك من العيوب
توب لله توب
قبل ما تطلع الشمس من الغروب
راه الكفن ما فيه جيوب
الحر بالغمزة: بلشقر محمد
تعليقات
إرسال تعليق