باب القبر للشاعر راضي السقا
@ باب القبر @
وأنا ياللي كنت فاكرك سندي
أتاريك طلعت علة في ضهري
وكنت عشانك بأكل في نفسي وبهري
بتمنالك الدنيا تحت امرك من بدري
أول لحظة لقيتك خايف من الدنيا بتجري
وقعت في حبك مع ولادة فجري
وكنت فاكر من زمان إنتهي عصري
وكل لحظة بينا هواك في دمي كان يسري
بادلنا بعض الحب ونسينا قهرك وقهري
كنا عايشين أموات وضاع عمرك وعمري
شيلتك في جفني وفتحت باب صبري
على يوم فرحي أوزع وردي وتمري
لحبيبي لما وصفته بلونه الخمري
لما نداني وقالي ليه فتحت باب قبري
أنا كنت بعيد عن الدنيا مرتاح لما تاه بري
وانا بين القوسين محل إعراب مش بأمري
توهت بعقلي وقلبي مجنني مسح ذري
لقيت نفسي في وسط الطريق والجسد معري
قفلت عليا بحجر سد وعيشت في قبري
لقيتك فتحت الباب ورحت معاك بخاطري
عرفت أن الدنيا حلوة بكل مافيها صبري ومري
ضحكت وفرحت وحزنت عسري ويسري
نتعب شويه ونرتاح ويوم راح تشرب من نهري
انا كنت زيك وزيادة توهت من شط بحري
لملمت حالي قفلت بابي من ناري وجمري
عشقت العزلة كرهت الناس وهي بتجري
تعبت ياما وقالوا ده مجنون عمال يهري
وقابلتك حالي من حالك جربت عليك دوغري
ورجعنا الحياة من تاني ونسينا قبرك وقبري
راضي السقا
تعليقات
إرسال تعليق